Megan umiyak nang sabihan ng mister na si Mikael na hihiwalayan; Heart milyones pa rin ang suot sa panahon ng pandemya

Ni GERRY OCAMPO

IBINAHAGI ni Kris Aquino sa social media pagsasailalim nila sa Covid-19  swab test kasama ang kanyang team.

Sa  Facebook post ni Kris, sinabi nito na last Monday ay nag-negative  naman  ang swab test nila ni Bimby pero apat umano sa kanyang  team members ay nagpositibo.

Tatlong linggo raw silang nag-quarantine ni Bimby. Hindi man sabihin ni Kris ay alam ko kung ano ang pakiramdam ng mga tao na dumadaan sa ganoong sitwasyon.

“I`ve  been blessed w/ a loyal  & dedicated  TEAM we went through a  difficult time  from  mid-August to early September when Covid-19  became  REAL  for us – kuya  Josh  was in Tarlac, Bimb  & I  were  spared BUT  4 tested  positive. 1 of them needed 2 months to fully  recover,” say ni Kris.

Ang  natutunan daw ni Kris sa Covid-19 pandemic  ay kahit gaano ka  kaingat  ay  hindi ka pa rin  ligtas  sa  pagkakasakit at aksidente.

“I  should  take  care  of my family and those  who take care of  us,” aniya.

Kaya  naman may pa-give  aways  si Kris  na  50  ER Care Card na may P100,000  coverage  kabilang  ang Covid-19.

“I  have 50 @insularhealthcareph. ER Care cards with coverage  up to  P100,000  including for Covid-19…kailangan  natin  alagaan  ang isa`t isa  and  I  feel  blessed to be able to SHARE this  with  you, please LIKE  this post  & tell  me why you or someone  you LOVE will  benefit  from this ER Care card,” say  pa ni Kris.

***

SA  Instagram page ni Heart Evangelista  makikita  ang  wardrobe, jewelry, swimsuit, make-up brand, gowns, bags at anything  na kanyang  sinusuot.

Marami ang nakapansin sa imported na damit ng kanyang suot na siguradong  mahal ang presyo.

May  post na damit gawa ng Filipina designer na si Charina Sarte worth P17,000. May gown  din siyang suot na gawa ng local designer na si Mark Bumgarner worth P14,800.

Pero ang suot ni Heart na ikinagulat  ng karamihan ay ang Floral Sequined Gown na  gawa  pa rin ng local designer na si Darly Maat na worth P50,000 at ang  Peach Bubble Dress worth P10,000.

May  suot din siyang  jumpsuit  na handwoven and band headed  ng Tboli tribe of Mindanao, na ang presyo ay mula P18,000 to P25,000. Hindi lang malinaw kung ang suot  na Amethyst Earring worth P94, 800 ay  para sa  kanyang  pictorial.

At ang pinakabonggang suot ni Heart na nasa IG page niya ay Van Cleefarfels lady  Arpels Pont  des  Amoureux Jour  Watch, Rose Gold Diamond  with  Interchangeable  Bracelets na worth ($119, 000) at ang presyo  ngayon ay  $127,000  na kung iko-convert  sa pera natin ay aabot sa P6,472,419.11.

Hindi lang malinaw sa IG page ni Heart ay kung ang mga sinuot niya  ay kanyang  binili o  yung  iba ay  kanya  lang  pinu-promote. Maaari  rin na for pictorial purposes lang ang iba.

Warning lang sa actress na huwag niyang isusuot ang million worth watch  niya kapag pupunta sa Edsa.

Di ba kamakailan  lang ay nabiktima  ng  snatcher si Vina Morales  na nahablot ang kanyang  mamahaling  cellphone.

***

SA  sobrang pagmamahal  ni  Megan Young  sa husband na si Mikael Daez ay hindi raw nito kakayanin na magkahiwalay sila.

Natawa  si  Mikael  nang  i-post niya  sa kanilang Instagram ni Megan ang  nangyari  sa kanilang  brainstorming session para sa susunod na podcast  Nag-isip kasi sila ng juicy topics  at  nang  sabihin ni Mikael  na, “paano  kung  maghiwalay  tayo?”  Bigla na lang umiyak si Megan  na  ikinagulat  ni Mikael at nagtanong kung bakit ito umiyak?

“Kasi  naman pinag-uusapan natin topics sa podcast  bigla mong sinabi  na maghihiwalay  tayo?” ani Megan.

“So,  hindi  natin  gagawing topics?” tanong ni Mikael  na sinagot  naman  ni Megan  ng, “Oh, my God!”

Nine years ang naging relasyon nina Megan at Mikael  bago sila nagdesisyong  magpakasal  para  magsama  na sa  iisang  bubong.

Bago lang sila nagsasama kaya siguro hindi makakayanan ni Megan na maghihiwalay na sila  ni Mikael. Hindi  naman kaya magkaroon sila ng problema kapag nasimula nang magtrabaho ni Mikael na siguradong matagal-tagal din silang hindi magkikita  dahil  nakahanda na ang lock-in taping  ng cast ng Love of My Life  ng GMA  Network  ngayong  buwan  na binubuo nina Carla Abellana, Rhian Ramos, Mikael Daez at Ms. Coney Reyes.