First Mindanao Regional Online Chessfest Susulong sa Oct. 24-25

SUSULONG na  ang nakatakdang  1st  Mindanao Inter-Regional Online Chess Team Championship sa  Oct. 24-25, 2020.

Anim na chess teams  mula southern island  ng bansa ang magtutunggali sa buwenamanong sulungan para sa tumataginting na  P100k kabuuang premyo.

Bahagi ng prize fund ng ‘event for a cause’ ay ilalaan para sa mga dating  Chess Olympians na produkto ng Mindanao.

Ang mga koponang kalahok at kanilang  team captains ay ang mga sumusunod: Region 9 Zamboanga Caballeros; Region 10 X-Men  – team skipper Fr. Vic Arellano; Region 9 Davao Chess Eagles (James Infiesto); Region 12 Sox Warriors sa pamumuno ni  Joselito Dormitorio; Region 13 CARAGA Miners at  Cotabato City BARMM Kutawato Vanguards (Salvador Navarro).

Bawat koponan ay binubuo ng  10 executives and 10 regular players na may 5 reserves bawat team

Pagsapit ng Oktubre 24, ang mga kalahok ay lalaro sa single round robin random chess habang sa Oktubre 25  ay standard play naman ang  pagtutunggalian.

“Sox Warriors will be playing under the banner of Ang Bagong Koronadal under the leadership of Koronadal City Mayor Eliordo U. Ogena,”   wika ni team captain Dormitorio.(Danny Simon)