Robert Suelo muling nanalasa sa F1 Chess Challenge tourney

MULING nagpakitang gilas si Arena Grandmaster (AGM) at Fide Master (FM) Robert Suelo, consistent winner sa Singapore chess circuit, matapos niyang dominahin ang F1 Chess Challenge Arena online tournament.
Si Suelo na dating varsity player ng Rizal Technological University (RTU) ay nakapagtala ng Arena 38 points para magkampeon sa online five minutes blitz tournament sa lichess.org.
Bida rin si Arena Grandmaster (AGM) Marlon Bernardino na ex-varsity player din ng RTU, na lumikom ng 35 points tungo sa second place honors.
Subalit ang biggest revelation sa 1-day event ay ang 11-year-old Ivan Cu na tumayo at naging matatag sa mas matanda niyang katungali.
Si Cu, ang 2019 Singapore National Age-group first runner-up ay nasubi ang third place honors na may 28 points habang umeksena dina ng journeyman Noel Jay Estacio mula Iloilo province na fourth overall na may 26 markers.
Pasok sa top ten (10) ay sina 5th Renie Malupa (25 pts.), 6th Oshrie Jhames “OJ” Constantino Reyes (20), 7th JM Baliad (20), 8th Jamiel Piel (17), 9th George Quinto (16) at 10th Jomel Ortiz (13). (Marlon Bernardino)