Top US marine general nasa Pinas para sa RP-US Balikatan 2023

NAGSAGAWA ng introductory call ang Commanding General ng I Marine Expeditionary Force (I MEF) ng U.S. Marine Corps, na si LtGen George Smith Jr. matapos bumisita sa Philippine Navy headquarters.

Malugod naman na tinanggap ni Philippine Navy Vice Commander, RAdm Caesar Bernard Valencia ang top US Marine official.

Tinalakay ng dalawang opisyal ang pagpapalawig pa sa partnership ng Philippine Navy partikular ang Marine Corps nito para mapalakas pa ang capacity enhancement nito na mahalaga sa maritime domain awareness.

“We are looking forward to serve with all of the Filipino Armed Forces,” sinabi ni LtGen Smith Jr.

Sa panig naman ni RAdm Valencia, umaasa ito na makalahok sa mga future activities and exercises kasama ang kanilang US counterpart para mapalakas pa ang organisasyon.

Nasa bansa ngayon si Smith bilang paghahanda sa nakatakdang Phil-US Balikatan Exercises 2023.