Lapit na kasi maging dad… Winwyn type makita ang ex-labs na si Mark; Willie kabog kay Idol Raffy sa paramihan ng subscribers

Ni GERRY OCAMPO

AS of now ay 28 million  na ang total followers ni  Idol Raffy Tulfo sa YouTube at Facebook. Ang subscribers niya sa YouTube ay 15 million at 11 million naman  sa kanyang Facebook page. Maging si Willie Revillame ay walang binatbat kay Raffy kung paramihan ng subscribers ang pag-uusapan.

Sa mga hindi nakakaalam ay dollars ang payment sa YouTube. Mantakin mo kung ganyan karami ang followers mo, malaking halaga ang natatanggap ni Sir Raffy Tulfo.

Pero ayon kay Sir Raffy, malaking parte ng natatanggap niyang income  ay isini-share rin niya sa mga nangangailangan ng tulong.

Hindi naman niya itinanggi na malaking tulong at napakikinabangan din niya ang natatanggap na grasya.

Samantalang simula sa October 5 ay  makakasama  na si  Sir Raffy sa bagong  news program ng TV 5  na  Frontline Pilipinas  nina Cheryl Cosim, Luchi Cruz-Valdez, Ed Lingao at Lourd  De Veyra.

Mantakin mo kung sumunod din ang mga followers ni Sir Raffy sa bagong  news program ng Kapatid Network ay siguradong napakalaking tulong nito para sa rating ng show na sabi ay iba raw ang format dahil  iba raw ang gagawin nilang atake  sa bawat kuwento na maiintindihan ng mga manonood.

***

SINABI ni  Winwyn Marquez sa isang interview na hindi pa sila nagkikita  o nakakapag-usap  ng  ex-boyfriend niyang si Mark Herras. Kung naging maayos  ba ang naging break-up  o  bad break-up ang nangyari sa kanila.

Ayon sa beauty queen actress ay hindi pa sila nagkikita  o nagkakasalubong  man lang sa pasilyo ng GMA Network. Pero nakarating  na kay Winwyn na buntis na ang live-in partner ni Mark na si Nicole Donesa. Ano ang masasabi o reaction niya rito?

“Oo, nga at magkaka-baby  na sila, magkakaroon  na siya ng pamilya. I`m very happy for him…I`m  very happy for them dahil may family na sila ni Nicole. Hindi pa kami nakakapag-usap ni Mark, no chance  for  us  to talk, gusto ko silang makita to congratulate them,” say ni Winwyn.

Kung ang status naman niya ang tatanungin, “single, but happy. Nag-e-enjoy ako mag-isa at na-realize kong okey  lang mag-isa. Ayaw  ko naman  ng  ligawan  sa Zoom at Facetime dahil bawal  pa  nga ang lumalabas-labas,” say pa ni Winwyn.

Samantalang mapapanood na muli si Winwyn sa I Can See You na may pamagat na High Rise Lovers kasama sina Lovi Poe  at Tom Rodriquez.