Kathryn thankful sa blessings at San Miguel sa gitna ng pandemya

NAMI-miss na ni Kathryn Bernardo ang bahay niya sa Cabanatuan, pero dahil sa trabaho at travel restrictions ay hindi na siya nakaiuwi nitong nakaraang mga buwan.

“Nitong past few months nung start ng lockdown, hindi na talaga ako nakakauwi kahit gustung-gusto kong umuwi at miss na miss ko na yung Cabanatuan at saka yung house namin. Medyo nakakalungkot lang pero blessed pa rin po dahil maraming work na dumadating. Si Papa na lang ang laging lumuluwas to meet us dito sa Manila dahil mabilis na ang byahe ngayon pauwi at papunta ng Nueva Ecija,” sey ni Kathryn.

Tulad ng maraming Pilipino ay nag-aalala rin si Kathryn sa kanyang kalusugan. Bukod pa dito ay ang pag-aalala sa mga kababayan niya sa Nueva Ecija na apektado ng pandemya.

“I know it’s difficult to be positive nowadays but we have to persevere for the sake of our loved ones. As I always say, di naman po tayo bibigyan ng pagsubok na di natin kayang lampasan. But we have to take care of our health, asset po natin yan sa panahong ito,”she says.

Bilang endorser ng mga brand ng San Miguel Corporation na tulad ng Magnolia Ice Cream, San Mig Coffee Crema White, at Nutrichunks,  natutuwa siya na magtatayo na ang kumpanya ng Manila International Airport at economic zone sa katabing probinsya na Bulacan. Naniniwala siya na makatutulong ito sa ekonomiya ng bansa at maging sa Nueva Ecija.

“Marami talagang nawalan ng work nitong pandemic. It breaks my heart to see people losing jobs and unable to provide for their families. If possible nga na magawa na yan agad so we can already attract businesses and give people jobs.

“A lot of people really need help right now. In our personal capacity, what we can do is to help the people around us as much as we can. But for the long-term, jobs po talaga ang kailangan,” wika ni Kathryn.

Maliban dito ay makatutulong din ito sa mga negosyante at magsasaka na gumagawa ng pagkain at raw materials.

“If you need to transport products quickly or perishable yung goods mo, big advantage yung magkaroon ng accessible na airport like the one sa Bulacan. I’m sure this is a positive sign for many businesses in Nueva Ecija and even as far as the north like Baguio, Pangasinan, and Ilocos.

“Mahirap isipin now because a lot of businesses are struggling, but when the time comes na matapos na yung pandemic, then the airport will be ready and we can start and help a lot of people recover.”

Aniya, mabubuksan din ang Luzon, kabilang ang kanyang probinsya sa mga turista, lalu-lalong na sa mga taga-ibang bansa dahil mas madali nang makakabiyahe.

“From our house in Cabanatuan, it’s either we use Clark or go straight to NAIA to fly out. But in Manila, I always have to brave the traffic going to the airport and it is difficult pag naghahabol ng flight. We all experience this naman po, we have to be there hours before our flight,” kuwento niya.

“But with the new airport, there’s another better option. And from what I heard, it’s going to be really big, spacious and modern. If sanay ka sa big airports like in Japan, Korea and  Europe, it’s going to be that big and I’m proud to be part of the San Miguel family that is making this happen,” dagdag ni Kat.

“Matagal na yung San Miguel, and maganda yung reputation nya so I’m sure like sa TPLEX sa amin sa Nueva Ecija and yung iba pang projects nila ay maganda rin yung quality ng work, like their products that I endorse. Hopefully, pag maagang matapos yung Bulakan airport at may time at pwede nang magbakasyowe are used to,” aniya.

“Sa gitna ng pandemya, tuluy-tuloy na, makakasakay rin ako dyan. Just praying and hoping na matapos na po itong crisis para we can live our lives normally.”

“Marami pa rin pong projects and right now we really have to stay in a bubble, as in we have to stay in one place para mabawasan yung chances na magka-Covid 19. So most of the time I’m away talaga from home. We know it’s for the welfare of everyone so we have to very conscious and compliant with health regulations like washing of hands, wearing masks and social distancing,” wika nya.

“I encourage everyone po to please be mindful of the safety of others around you and always practice safety measures sa panahon na ito. Huwag po tayo magpabaya. kakayanin po natin ito,just keep praying and helping our families and friends,” she advised.

***

Myrtle solong Pinay na pasok sa Top 100 Ragnarok Gamers sa Southeast Asia

ANG Kapuso actress na si Myrtle Sarrosa ang natatanging Pinay na pasok sa Top 100 Ragnarok Gamers sa Southeast Asia.

Sa panayam ng 24 Oras, inamin ni Myrtle na hindi niya ito inaasahan. “Sobrang honor siya kasi sa previous seasons, walang Filipino na nakapasok sa Top 100. Tapos ‘yung goal ko talaga for this season, kahit makapasok lang sa Top 600. Pero together with my teammates and other fellow Filipinos who played together with me, nakapasok kami sa Top 100,” pahayag ni Myrtle.

Ibinahagi rin ni Myrtle na minsan ay nakalaban niya sa Ragnarok si Asia’s Multimedia Star Alden Richards. Looking forward din siyang maka-collaborate ang aktor.

Kuwento ni Myrtle, “Sana maimbita ko siya to play with me. I actually played against him, sayang. I hope next time, we can play together naman. Nakakatuwa ‘yon, I mean he’s very good din sa video games ‘tsaka nakakatuwa rin ‘yung mga live stream niya, I hope we can collaborate.”

Kahit na abala bilang gamer, hindi pa rin mawawala sa puso ni Myrtle ang pagko-cosplay kung saan siya unang nakilala. Sa katunayan, naging guest ni Myrtle sa online show ng GMA Artist Center na Cool Hub ang cosplayers na nagwagi noon sa Gyeonggi International Cosplay Festival sa Bucheon, South Korea. Maaaring mapanood ang kanilang fun interview sa GMA Artist Center YouTube channel.

***

Jasmine nakaramdam ng ‘pressure’ para sa bagong serye

AMINADO ang Kapuso actress na si Jasmine Curtis-Smith na feeling ‘pressured’ siya sa kanyang bagong mini-series na ‘I Can See You: Love On The Balcony’ kasama si Asia’s Multimedia Star Alden Richards.

Aniya, “It’s more of a pressure that I do hope that the people who watch it really enjoy it.”

Ang ‘Love On The Balcony’ nina Jasmine at Alden ang unang mapapanood sa apat na mini-series na handog ng ‘I Can See You’ na nagsimula na ng September 28.

Kahit pa kabado ay excited pa rin ang aktres sa magiging feedback ng viewers sa kanilang bagong serye, “What I look forward to is people just giving their honest reviews and comments about it. Kasi for me, every comment is appreciated, kahit pa na it’s a critique. It’s always good to channel it into a nice conversation or idea also for a future project if ever.”

Makakasama rin nina Alden at Jasmine sa ‘I Can See You: Love On The Balcony’ sina Pancho Magno, Denise Barbacena, at Shyr Valdez. Napapanood na ito sa GMA Telebabad. (Blessie K. Cirera)