Liza dinamayan sa pagluluksa ang dyowang si Enrique

PAGDADALAMHATI ngayon si  Enrique Gil sa pagpanaw ng kanyang lola na nakatira sa Spain. Nag-post siya ng message sa kanyang Instagram account para sa kanyang lola na kung tawagin niya ay abuelita. Kalakip nito ang kanilang family photos. At ang kanyang mensahe published as is, “I’m lucky to say i have the coolest grandma in the world and im not just saying that my abuelita acted like she was just our age but even cooler she’s a legend a rockstar and the sexiest and funniest abuela ever. I know you’re happy to be together with papa and tita gina watch over us please, till we drink and see each other again hasta luego mi amor.”

Ang girlfriend at ka-loveteam ni Enrique na si Liza Soberano ay nagpaabot ng pakikiramay sa kanya sa pamamagitan ng Instagram stories. Pinost din ng aktres ang picture na kuha sa Spain na kasama niya ang lola ng aktor noong na-meet niya ito.

Ang mensahe ni Liza sa lola ni Enrique, “Rest in peace with our creator Abuelita. You fought long and hard. I’m sad we didn’t get to see you one last time. I will always take care of Quen like I promised you. I love you.”

Ang taos-puso naming pakikiramay kay Enrique at sa buo niyang pamilya.

***

GLADYS TYPE MAKASAMA SA PROJECT ANG MGA BFF NA SINA JUDAY, CLAUDINE AT ANGELU

MAY dream project pala ang magaling na kontrabida na si Gladys Reyes. Ito ay isang pelikula, na gusto niyang pagsamahan nila ng mga kaibigan niyang sina Judy Ann Santos, Claudine Barretto at Angelu de Leon.

Naging close kasi siya sa tatlo nang makasama niya sa mga seryeng pinagbidahan ng mga ito, na siya ang gumanap na kontrabida.

Natutuwa si Gladys na hindi nawala ang friendship nila kahit tapos na ang mga seryeng ginawa niya with them. Umaasa si Gladys na matutupad ang dream film project niya na mala-Desperate Housewives ang tema, na may pagka-comedy at hindi masyadong madrama. (Rommel Placente)