Ex-LRTA admin Mel Robles itinalaga bilang PCSO GM

INI-APPOINT ni Pangulong Ferdinand “Bongbong” Marcos Jr. si Mel Robles bilang general manager ng Philippine Charity Sweepstakes Office (PCSO).

Inanunsyo ito ni Press Secretary Trixie Cruz-Angeles nitong Huwebes ng tanghali.

Ayon kay Angeles, dating administrator ng Light Rail Transit Authority (LRTA) si Robles.

Ang kontribusyon umano ni Robles sa LRTA ang nakita ni Marcos kaya siya ang nominado bilang PCSO general manager. Bukod sa LRTA, naging board member din si Robles ng Intercontinental Broadcasting Corporation.

Isa ring negosyante si Robles na pasok sa real estate. (Vanz Fernandez)