Pasahero ‘nagdyakol’ sa bus, timbog

Tiklo ng mga operatiba ng Inter-Agency Council for Traffic (IACT) at Philippine Coast Guard ang isang lalaking “nagsasarili” umano sa loob ng isang bus sa Muñoz Busway Station sa EDSA, Quezon City.

Ayon sa Facebook post ng IACT, isang babaeng pasahero ang humingi ng tulong sa kanilang mga operatiba hinggil sa lalaking tumabi sa kanya sa bus at nagsimulang hawakan ang ari habang nakatakip ng payong.

Maya-maya pa inilabas ng suspek ang kanyang ari at hinimas-himas ito.

Nakunan ng babae ng video ang ginagawa ng suspek at agad bumaba ng bus upang magsumbong sa awtoridad.