FDA nagbabala vs isang brand ng vape juice na may sangkap na liquid marijuana

PINAG-IINGAT ngayon ng Food and Drug Adminisration (FDA) ang publiko hinggil sa isang brand ng e-cigarete o vape juice nang makitaan ito ng sangkap ng liquid marijuana na lubhang delikado sa kalusugan.
Ayon sa FDA, ito ay may brand name na Gluttony at flavor o variant na “Mamon” nang magpositibo ito sa sangkap ng cannabinol.
Dagdag ng FDA na nakitaan din ng liquid cannabis o mas kilalang marijuana.
Inatasan na ng FDA ang mga awtoridad at ang mga Lokal na pamahalaan na tiyaking hindi maibebenta sa merkado ang naturang produkto.
Tiniyak ng FDA na may kaukulang parusa sa mga establisyimento na magbebenta o magdi-distribute ng Gluttony. (Josephine Patricio)