NBA: OKC naipuwersa ang Game 7 vs Houston

BINITBIT ni Chris Paul ang Oklahoma City Thunder sa 104-100, tagumpay kontra Houston Rockets, sa Game 6 ng kanilang Western Conference first-round playoff series kahapon sa Lake Buena Vista, Florida.
Nagsalpak si Paul ng dalawang clutch three-pointers, at naipasok ang go-ahead free throws sa nalalabing 13.1 segundo upang manatiling buhay ang Thunder sa postseason.
Naipuwersa ng Oklahoma City ang deciding Game 7 laban sa Rockets, at ang mananalo ay makakaharap ang Los Angeles Lakers sa second round.
Nagtapos si Paul ng 28 points, six rebounds, three assists at three steals, habang si Gallinari nag-ambag ng 25 points.
Nasayang ang pinagsikapang 32 points, eight rebounds at seven assists ni James Harden para sa Rockets, habang si Westbrook ay nalimitahan sa 17 points on 8-of-15 shooting, at nakapagtala ng seven turnovers.
Ang Game 7 ay nakatakda sa Huwebes ng umaga, sa Pilipinas.