PDu30 lumuhod, humalik sa lupa sa pinangyarihan ng twin bombing sa Sulu

Lumuhod at humalik sa lupa si Pangulong Rodrigo Duterte sa lugar na pinangyarihan ng kambal na pagsabog sa Jolo bilang pagbibigay-dangal sa mga naibuwis na buhay dito.
Nabatid na ang Presidente ay personal na bumisita kamakalawa sa twin blast site.
Sa kanyang mensahe, sinabi ng Pangulo ang kanyang pagbibigay-dangal sa mga nasawing sundalo at sibilyan.
Nangako ang Punong Ehekutibo sa patuloy na pagsuporta sa mga sundalo sa paglansag sa mga terorista.
Nag-alay din ang Presidente ng bulaklak sa blast site at nagtungo rin sa Kuta Heneral Hospital kung saan kasalukuyang ginagamot ang mga nasugatan sa twin blast. (Josephine Patricio)