MATIGAS NA MUKHA NI ALIAS TONY OH / ONG SA PANGASINAN, HUGAS KAMAY NAMAN SI GENERAL!

TINGNAN  natin kung gaano katigas ang mukha ng Intsik na nagpapatakbo ng jueteng sa lalawigan ng Pangasinan ngayong itinatatwa na ni PNP Region 1 Director PBG Rodolfo Azurin Jr.  na wala itong alam sa operasyon ng untouchable na gambling lord sa kanyang hurisdiksyon.

Imagine naman mga KASIKRETA, galit na galit tayo sa mga Intsik pagkat nakamkam na nga ng mga ito ang halos lahat nating  mga teritoryo sa West Philippine Sea, nakapag-operate pa ng pasugal na POGO (Philippine Offshore Gaming Operator) na sa kanilang bansa ay lubhang ipinagbabawal, at nakapanuhol ng ilan nating pinuno ng pamahalaan para makapagpatakbo naman ng NOGO  o (Non-registered online Gambling).

At ngayon, isa na namang  Instik na may mga alias na Tony Oh at Tony Ong na  umaastang nabili na nito ang probinsya ng Pangasinan para makapag-operate doon ng 6/39 jueteng.

Sinasabing nabili na ang termino, kapag karamihan sa opisyales ng lalawigan, siyudad, bayan hanggang sa barangay level ay nagsitanggap na ng suhol upang ang isang financier ng iligal na pinagkikitaan tulad ng bawal na sugal ay makapag-operate ng walang balakid.

Wala tayong inaakusahang partikular na elected o appointed officials na tumanggap ng lagay mula kay Tony Oh / Tony Ong, ngunit paanong nangyari na mistulang nabili na nga nito ang Pangasinan?

Kaya naman, ganito na katindi ngayon ang jueteng operation ni alias Tony Oh/ Tony Ong,  parang ligal na ligal na hanap-buhay, kumikita ng milyones at walang makapigil kahit na si Pangasinan Governor Amado Espino III.

In fairness kay PNP Region 1 Director, PBG Rodolfo Azurin Jr.,may 173 katao na daw na pinaniniwalaang sangkot sa jueteng ang naaresto na ng kapulisan sa Pangasinan at may kabuuuang Pph 800,000  bet money ang nakumpiska sa all-out illegal gambling drive laban kay Tony Oh/ Tony Ong sa nasasakupan ng nabanggit na lalawigan. All-out nga kaya ang kampanya laban sa iligal na pasugal?

Ang tanong pa: kung totoo ang ulat na nasakote na din maging ang jueteng operator sa Pangasinan, ay bakit namamayagpag pa  ayon sa ating police insider ang pajueteng ng naturang Intsik na nagsimula pa noong June 1, 2020, kasabay ng pag-uumpisa ng jueteng cum Perya ng Bayan (PnB) sa lalawigan ng Oriental Mindoro?

Nakatitiyak ang SIKRETA na hindi ipagpapalit ng magiting na heneral ang kanyang magandang imahe at maningning na 34 years sa police service para lamang kulapulan ng putik at makaladkad ng isang ganid sa salapi na Tony Oh/Tony Ong.

Hindi magpapabaya sa kanyang sinumpaang mandato si General Azurin Jr.,katunayan ay napakaagap nitong umaksyon ayon sa ating mga katotong mamamahayag.

Ngunit nakatitiyak naman kaya si General na hindi napaiikutan at nabubukulan ng ilang police scalawag sa Pangasinan na hinihinalang maaring protektor ni Kabise?

Ang unsolicited advise natin kay PBG Azurin, Jr.,, huwag sanang kukurap General…

***

Para sa komento: Cp # 09293453199 at 09664066144, email: sianing52@gmail.com