42 katao huli sa Curfew sa Bulacan

UMABOT sa apatnapu’t-dalawang tao ang inaresto sa tatlong kalapit bayan ng Bulacan sa hindi pagsunod sa bagong curfew hours na nauna nang ipinatupad nitong nakalipas na Miyerkules, Agosto 12, habang nasa ilalim ang lalawigan ng bagong pinaigting na community quarantine.
Kinilala ang dalawa sa mga nahuli na sina John Allec Manalili, 21; at Allan Bondoc, 31, kapwa mula sa bayan ng Pampanga ng San Luis.
Ayon kay Col. Jayson San Pedro, Hepe ng Baliwag Police Station, na layunin ng nasabing Provincial Ordinance No. 87-2020, ang maiwasan ang pagkalat ng sakit na coronavirus (COVID-19).
Sa halip na pagmultahin o pagsilbihan ang pagkakakulong ng isang buwan sa bilangguan sina Manalili at Bondoc, ginawa ng pamahalaan ng Baliwag na pagtabasin sila ng damo sa harap ng isang slaughter house, bilang bahagi ng kanilang serbisyo sa komunidad.(James de Jesus )