PhilHealth President Morales nagbitiw na!

Nagdesisyon nang magbitiw sa kanyang puwesto si PhilHealth Insurance Corp. (PhilHealth) President Ricardo Morales kahapon.
Ito ang kinumpirma mismo ni Morales sa kanyang panayam kahapon.
Ayon kay Morales, isinumite niya kay Executive Secretary Salvador Medialdea nitong Miyerkules ang kanyang liham ng pagbibitiw.
Inamin ni Morales na mismong si Pangulong Rodrigo Duterte ang humiling na magbitiw siya sa kanyang puwesto.
Dagdag pa ni Morales na ang kanyang pagbibitiw ay dahil sa kanyang nararanasang matinding karamdaman.
Nauna rito, ay hinimok ng Pangulong Duterte si Morales na magbitiw sa kanyang katungkulan. (Josephine Patricio)