‘Henchmen’ ni Andal Ampatuan, arestado

HULI ang isa sa mga suspek sa Maguindanao massacre nang magsagawa ng operasyon ang pulisya sa hideout nito sa Tagaloan, Misamis Oriental, nitong Biyernes.
Kinilala ang naaresto na si Nasser Adam, 45, wanted sa multiple murder kaugnay ng karumal-dumal na Maguindanao massacre noong Nobyembre 23, 2009 na ikinasawi ng 58 katao kabilang ang 32 mediamen sa Sito Masalay, Brgy. Salman, Ampatuan.
Sa ulat ng PNP-CIDG Region 10 at Police Regional Office (PRO) 10, nasakote si Adam na gumagamit ng alyas na “Umar Kasim” at nagtatrabaho bilang security guard sa Brgy. Mohon, Tagoloan, nang matunton ng mga pulis 4:00 ng hapon.
Isa umano si Adam sa mga “henchmen” ni Andal “Datu Unsay” Ampatuan Jr., na pangunahing mastermind sa karumal-dumal na massacre.
Kabilang pa sa mga na-convict sa 57 counts ng murder noong Disyembre 2019 ang mga miyembro ng angkan nito na sina dating ARMM Gov. Zaldy Uy Ampatuan, Anwar Ampatuan Sr., Anwar “Ipi” Ampatuan Jr., at Anwar Sajid “Ulo” Ampatuan.(PTF team)