Retiradong Pulis patay sa ambush

PATAY ang isang retiradong pulis na tinambangan ng riding-in-tandem nitong Biyernes, Agosto 21 sa Panglao, Tagbilaran.
Ayon kay Corporal Chito Jerome Galua ng Panglao Police Station, kinilala ang biktima na si Ramon Arboleras Bolongaita, dating miyembro ng Philippine National Police.
Sa ulat, nagbibisikleta si Bolongaita sa Purok 3 in Sito Valenzuela sa Barangay Poblacion nang pagbabarilin ng mga hindi nakilalang suspek.
Sa report, nagtamo ito ng tama ng bala sa ulo na agad niyang ikinamatay.
Kasalukuyan nagsasagawa ng masusing imbestigasyon sa naturang krimen.(PTF team)