Kaya ayaw na pag-usapan… Jake Zyrus pinatay na si Charice

Ni ARCHIE LIAO

USAP-usapan ngayon si Jake Zyrus dahil sa kakaibang drama niya ngayon.

Tulad ni BB Gandanghari, iba na rin ang emote niya ngayon.

Kung si BB ay inilibing na si Rustom Padilla, ayaw na ring ma-associate ni  Jake kay Charice Pempengco.

Kamakailan, hindi kasi nagustuhan ni Jake ang sinabi ng ilang netizens na nami-miss nila si Charice sa katauhan ni Zyrus.

Dahil dito, hindi napigilang maglabas ng sama ng loob ng transgender man sa social media at napamura pa ito sa pagkukumpara sa kanya sa dating persona.

Nabastusan din siya sa mga komento na nagsasabing mas okay si Charice kesa kay Jake.

“I don’t care if you want to listen to my Charice songs all damn day or if you hear my Charice voice in my falsettos, because of course you dumbass MF, boses ko pa rin ‘yon. Nag-transition lang.

“Sabi ko ‘wag na patulan mga ganung tao kasi nagiging feeling na, pero hindi kasi bastos na talaga ang iba. Okay ako kung i-compliment mong naririnig mo kasi totoo naman ‘yon. Pero para ipangalandakan mo na ‘Charice is coming back’, and also binabastos na ang pagkatao ko nang dahil lang doon, get yo MF transphobia ass away from me.

“Feeling alam ang sinasabi. Patalino effect. Entitled. I’ve done some interviews where I’d say okay lang kahit sinasabi nilang nami-miss nila si Charice or sayang mga nangyari before and I’d just awkwardly smile and take it just because I wanted to please these MFs. Nakakalito na nga interviews ko para kahit papano ‘di masyado problematic at medyo pasok pa rin sa ‘nyetang standards ng karamihan.

“I am not MF okay with this. Kasi the more na sinasabi kong ‘Ah, oo, okay lang ‘yun,’ okay lang na nagkakamali silang tinatawag akong Charice or okay lang na tanggap nila ako as Jake pero mas gusto nila ako pre-transitioned, the more na nagiging kampante ang ignoranteng palaka na bastusin kung ano ang naging desisyon ko sa buhay ko.

“Lagi na lang ako nag-iisip kung anong sasabihin ko sa mga interviews para balance lang ang maisip ng mga tao at para ‘di sila ma-trigger at sabihin na wala akong utang na loob or the ‘kung ‘di dahil sa amin or akin mentality.”

“Never again. Ilang beses na akong na-offend na hindi ako nagsasalita. Last na ‘to. Tutal ke public or sa family or sa mga ex-friends ko eh mayabang at masama ang ugali ko, so be it. I know my MF heart. Bring it on. Hindi ‘yung respeto sa nakaraan, bastusin ang kasalukuyan.

“Ayusin mo opinyon mo. Ay, hindi pala opinyon ‘yan. Insulto ‘yan. Ignorante ka nga pala. Prepare ko sarili ko sa ibang sasabihing sila pa mabu-bully. LOL. Really tho, bless your hearts. Full of hate, convincing yourselves na tama ka just because sa mata ng tao normal ka? LUL. This goes out to some LGBTQ+ na bashers ko rin. Sa totoo lang tayo. ‘Di talaga sa labels ‘yan. Ugali ng tao talaga ‘yan,” sey ni Jake.

Sey naman ng ilang kibitzers, wala raw namang masama kung nami-miss ng mga tao ang dating pagkatao ni Jake sa kanya.

Anila, hindi raw naman umano ito maituturing na pambabastos dahil like it or not, mas nakilala ang singer bilang Charice kesa Jake.