GCQ, MGCQ extended hanggang August 31; desisyon sa MECQ areas sa Lunes

INANUNSYO ngayong umaga ng Sabado ng Malacañang ang extension ng general community quarantine (GCQ) sa mga lalawigan ng Nueva Ecija, Batangas, Quezon, Cebu City at Iloilo City simula Agosto 16 hanggang 31.

Ang iba pang mga lugar na nasa ilalim ng GCQ hanggang katapusan ng buwan ay ang Cebu City at mga munisipalidad ng Mandaue, Lapu Lapu, Talisay, Minglanilla at Consolacion.

Samantala, ang bagong klasipikasyon ng mga lugar na kasalukuyang nasa modified enhanced community quarantine (MECQ) – National Capital Region, Bulacan, Cavite, Laguna at Rizal – ay iaanunsyo ni Pangulong Rodrigo Duterte sa Lunes Monday, Agosto 17, ayon kay presidential spokesperson Harry Roque.

Ang iba pang lalawigan ay mananatili sa modified general community quarantine (MGCQ) hanggang katapusan ng buwan, pero ipinauubaya na sa local government unit ang mahigpit na pagpapatupad ng protokol.

Ang National Task Force against COVID-19 at Department of the Interior and Local Government ay nagtutulungan “to ensure that areas flagged for local action shall implement strict lockdown of areas in line with the Zoning Containment Strategy, strict enforcement of minimum public health standards and intensified tracing, and quarantine of close contacts and isolation of confirmed cases,” saad ng IATF Resolution 63. (PFT Team)