Janine sobrang saya sa paglipat ni Sunshine sa Kapamilya

Ni WALLY PERALTA

KUNG may isa mang Kapamilya actress na masaya sa desisyon ni Sunshine Dizon na mag-ober da bakod from Kapuso for almost 25 years to being a Kapamilya talent, walang iba kundi ang baguhang Kapamilya na si Janine Gutierrez. Kasi nga naman silang dalawa agad ang magkasama sa bagong project sa Kapamilya kasama rin ang dating Kapuso actor na si Paulo Avelino, ang “Marry Me, Marry You”.

First project kasi pareho nina Sunshine at Janine ang naturang serye kaya memorable ito sa dalawa lalo na kay Janine. Tanda pa ni Janine na sa kauna-unahan niyang serye sa Siyete ay katambal niya si Elmo Magalona, ang “Villa Quintana,” kasama niya si Sunshine, at ngayon nga ay ganun din, first serye ni Janine sa Kapamilya, kasama rin si Sunshine.

“Sobrang saya ko talaga na magkakasama ulit kami ni Ate Shine. she is one of the most generous, kindest and undoubtedly one of the best actresses we have in the Philippines.

“I was so lucky to have the privilege of working with her in my first lead teleserye ever and I’m still so honored now – to be working with her on both our first serye in ABS-CBN!”, ani ni Janine.

Sinagot naman ni Sunshine ang naturang post ni Janine sa kanyang social media account at nagkomento si Sunshine.

“I got your back then and Ate will always be here for you alam mo yan. Love you and happy to be doing our first together,” sagot ni Sunshine sa post ni Janine.

Bukod kina Sunshine at Janine, kasama rin sa “Marry Me, Marry You” sina Paulo Avelino, Jake Ejercito, Cherry Pie Picache, Vina Morales, Teresa Loyzaga, Lito Pimentel, Joko Diaz, Jett Pangan, at Edu Manzano.

***

NAKILALA si Sunshine Guimary sa internet world na marami siyang followers dahil na rin sa Braless Goddess for vlogging while in her microminis and nighties.

At nang maispatan siya ng Viva ay agad siya nitong ginawang contract star nila at may launching movie agad na ginawa, ang “Kaka” kasama sina Jerald Napoles at Ion Perez, ang live-in partner ni Vice Ganda.

Sanay mang humarap sa kamera na naka-super sexy attire ay aminado si Sunshine na nahirapan siya nang sumabak na sa shooting ng kanyang first film under Viva.

Mabuti na lang daw at mahaba ang pasensiya ng kanilang direktor at sa pag-alalay ng kanyang  co-stars ay natawid daw ni Sunshine ang kanyang mga eksena.

Pagdating naman kaya sa mga sexy scenes, palaban din ba sa hubaran ang baguhang sexy star? Ayon kay Jerald, nabigla raw siya at may sexy scenes siya sa movie nila ni Sunshine. Say pa ni Jerald, bilang isang baguhan ay bilib daw siya kay Sunshine, wala raw itong kiyeme at hubad kung hubad ang laban.

Bilang isang bihasang aktor, bago kunan ang maselang eksena nila ni Sunshine ay pinatatawa muna ng aktor si Sunshing nang mapalagay ang loob nila sa isa’t isa.