NURSE ARESTADO SA PAGTUTULAK NG SHABU

ARESTADO ang isang frontliner na nurse matapos mahulihan ng droga sa drug buy-bust operation sa Barangay Valdez, Batac City, Ilocos Norte.
Nakilala ang frontliner na si Mark Evon Baguinon y Languisan, 28, binata, residente ng Brgy. 8 Acosta, Batac City, at empleyado ng Department of Health (DOH) na nakatalaga sa City Health Office ng nasabing lungsod.
Ayon kay Police Chief Master Sgt. Harold Nicolas ng Provincial Drug Enforcement Unit (PDEU), nahuli nila si Baguinon matapos magbenta ng limang sachet ng shabu sa police posuer-buyer.
Nakuha sa posisyon ng nurse ang apat na sachet ng shabu, isang cellphone at motorsiklo. Aabot sa P39,000 halaga ng shabu ang nakuha sa kanya.
Nasa drug wacthlist si Baguinon ng INPPO at high value individual (HVI) ng regional watchlist ng PRO1.(PTF team)