Ex-Sen/Ex-Mayor Lim na-fake news na patay na

BUHAY na buhay si dating Mayor Fred Lim at naging maganda na ang kundisyon nito.
Ito ang naging paglilinaw na ginawa ni dating chief of staff ni Lim na si Ric de Guzman na umapela sa kabila ng pamilya ng dating alkalde, kabilang na ang mga kaibigan at mga tagasuporta nito na bigyan muna sila ng privacy.
“On behalf of the family of former Mayor Fred Lim, we appeal to everyone to please give us some moments of privacy as we focus on Mayor Lim’s swift recovery from his current illness. We thank all those who have expressed concern and offered prayers for him and us during these trying times. Please continue praying for him as we all do. Mayor Lim is very much alive although he is confined in a hospital now. In fact, he’s making good progress as of this statement. I hope this puts to rest all misinformation that he had passed away and a stop to negative speculations about his health. It is not helping him and the family any. Thank you,” ayon sa statement ni De Guzman.
Partikular na tinukoy ni De Guzman ay ang lumabas na ‘breaking news’ mula sa isang malaking English broadsheet na nagsasabing patay na si Lim.
“Malinaw na fake news ito,” ayon kay De Guzman.
Sa nasabing report na hango sa Facebook ay wala namang binabanggit na namatay ang alkalde at nanghihingi lamang ng panalangin para sa paggaling at panunumbalik ng lakas ng dating mayor. (Andi Garcia)