Libreng angkas sa health workers ngayon

Aarangkada sa lansangan ang 1,000 angkas riders ngayong araw para magbigay ng libreng sakay sa mga health workers.
Ito ang kinumpirma ni Joint Task Force on COVID-19 Shield Chief Police Lt. General Guillermo Eleazar sa isang panayam.
Ayon kay Eleazar, ang mga naturang Angkas Riders ay ipapakalat sa ilang ospital gaya Philippine General Hospital, Ospital ng Maynila, San Lazaro Hospital, East Avenue Medical Center, Ospital ng Sampaloc, Jose Rodriguez Memorial Hospital, Quezon City General Hospital, Jose Fabella Memorial Center, National Kidney and Transplant Institute (NKTI) at Quirino Memorial Medical Center.
Samantala, nag-donate ang Angkas ng 1,000 motorcycle barriers sa Philippine National Police (PNP) upang magamit ng mga kagawad ng pulisya na mayroong motorsiklo na nagsasakay din ng mga frontliners. (Josephine Patricio)