Julie Anne winner sa 6th Wish Music Awards

WAGI ang Asia’s Pop Diva na si Julie Anne San Jose ng dalawang pangaral sa ginanap na 6th Wish Music Awards nitong Linggo, January 17.

Inuwi ng Kapuso singer ang Wishclusive Contemporary R&B Performance of the Year para sa kanyang kantang “Nobela” at Wish R&B Song of the Year ang “Better.”

Sa kanyang Twitter account, ipinahayag ni Julie ang labis na pasasalamat sa mga sumusuporta sa kanya. Aniya, “Maraming salamat @wish1075 for the recognition! May you continue to spread love and inspiration to everyone. Mabuhay ang OPM!!! Thank you adiks, and to everyone who voted! And for trending too. Solid kayo. Much much love.”

Samantala, dapat ding abangan ang teleserye comeback ni Julie sa upcoming GMA News TV series na Heartful Café.

***

Juancho Trivino, graduate na!

ACHIEVEMENT unlocked para sa Kapuso actor na si Juancho Triviño ang pagtatapos niya ng kursong Bachelor of Science in Entrepreneurship mula sa De La Salle University.

Dahil sa pandemic, virtual ang naging graduation ceremony ng kanilang batch nitong Sabado. Sa kanyang Instagram post, ibinahagi ni Juancho na hindi naging madali ang kanyang pinagdaanan para maka-graduate.

Aniya, nais niyang tuparin ang pangarap na ito para sa kanyang mga magulang, “I wanted to finish what my parents worked so hard for me to go through, to put me in a good school and to provide for us. I became a working student going to class with no sleep and drinking vendo coffee to keep me awake and balance my sheets (accounting reference).

“Nagkakaroon din ng mga pagkakataon na galing Pangasinan dederecho ako sa school galing Unang Hirit, at kung late na late na, nag-aangkas ako.”

Congratulations, Juancho!