Dina Bonnevie may nabisto kay Jay Manalo

Ni ROMMEL GONZALES

NAGKUWENTO si Dina Bonnevie kung paano makatrabaho ang ilan sa kanyang co-stars sa nagbabalik na GMA series na Anak Ni Waray VS Anak Ni Biday.

Pinuri ni Dina si Kate Valdez sa pagiging mahusay sa sports at mapagmahal na anak.

“Si Kate, sports-minded pala ito. Nag-si-skates siya, nakakatuwa kasi parang gusto ko tuloy ulit mag-roller blades.

“More than that, I discovered that Kate is such a loving daughter. Yun bang kahit yayain mo siyang kumain, mas importante sa kanyang she eats with her dad. At sobrang magalang na bata.”

Bilib naman si Dina kay Barbie Forteza na mature na mag-isip para sa kanyang edad.

“Ganoon din si Barbie, she’s a very respectful person, very independent. Si Barbie napaka-mature for her age. “Napakamature mag-isip.

“Nandoon din yung mga kabataan but you can see from the way she views things in life that she’s a very mature person.”

Totoo sa sarili at tapat naman ang pagkakakilala ni Dina kay Migo Adecer na kasama rin sa  Anak Ni Waray Vs. Anak Ni Biday.

“I didn’t get to spend much time with Migo kasi hindi ko siya ka-eksena. But I found Migo to be a very honest person, no holds barred.

“He’s such an open person, and he’s a person willing to grow and explore. He told me something na I don’t want to disclose but it made me really admire him, kung ibang tao baka maging ipokrito pa.”

Hanga naman si Dina sa pagiging mabuting ama ni Jay Manalo.

Pinuri ito ni Dina sa pagiging mapagmahal na ama kahit na malayo sa pamilya noong lock-in taping.

“I thought he was exactly like the roles he plays, ‘yung babaero, happy-go-lucky but I was surprised that’s he’s such a cool father pala, he’s such a good dad.

“Every morning habang nag-mi-makeup ako nandiyan si Jay sa right side kumakain siya ng breakfast kasi magkasunod ‘yung makeup schedule namin.

“Tapos doon nakikita ko nag-vi-video siya with his son and daughter. Kinakausap niya, nag-vi-video call sila tuwing umaga then he dances while he’s talking to them.

“Nakakatuwa na may ganitong side pala si Jay.”

Malaki naman daw ang ipinagbago ng aktres na si Snooky Serna; naging mas strong na raw ang karakter nito ngayon.

“Si Snooky naman matagal ko nang nakasama. I used to think she is such a fragile person, napakamahinhin, so delicate, pero deep inside she’s a very strong woman.

“Not only that, I realized she’s a rockstar inside.

“Tahimik ‘yan, mahinhin pero inside she has so many bold ideas, visions, she’s a voracious reader.

“She tells me about the things she reads.

“She’s very intelligent. Ngayon ko lang nakikitang nagsasalita openly si Snooky, she’s eager to share her thoughts. I like that about her.”

Samantala, kasalukuyang napapanood ang recap ng ‘Anak Ni Waray Vs. Anak Ni Biday’, 8PM, sa GMA Telebabad at magsisimula ang fresh episodes nito sa February 8.