Sey mo ngayon Derek? Andrea may bagong manliligaw na sobrang yaman

Ni GERRY OCAMPO

NAGISING na sa katotohanan si Andrea Torres na hindi sila para sa isa`t isa ni Derek Ramsay. Nauwi rin sa hiwalayan ang kanilang pagmamahalan.

Una pa lang pagsasama nina Andrea at Derek ay dinagsa na ng paalala ang actress na mauuwi  rin sa break-up ang relasyon nila. At totoo nga ang haka-haka ng mga nagmamahal sa actress.

Ngayon kahit hindi na magsalita pa si Andrea ay dinaranas pa rin nito ang sakit ng kanilang break-up ng actor.

Mabuti  na lang at may bagong serye si Andrea  sa GMA 7. Malaking tulong ito para makalimot sa dinanas na hiwalayan kay Derek.

Isa pa sa puwedeng makatulong sa sakit sa pag-ibig ni Andrea ay ang pagdating ng isang super rich guy na manliligaw. Grabe sa yaman ang lalaki na may iba`t ibang negosyo raw sa iba`t ibang bansa.

Nagkita at nagkakilala sila ng rich guy nang mag-show si Andrea sa ibang bansa. Pero that time ay may girlfriend ang nasabing negosyante.

Ngayong pareho na silang loveless ay nagtangka nang manligaw ito na posibleng magpasaya muli sa nagdurugong puso ni Andrea.

Pero tila bantulot pa sa ngayon si Andrea na muling umibig dahil sa sakit na nadama kay Derek.

Kung  sakaling  umibig daw muli si Andrea ay sisiguruhin niya na magiging  private na ang kanyang lovelife.  Nadala na umano siya sa open relationship.

***

Wilbert Tolentino umarte sa Team JOSA

May bagong pasabog ang businessman at former Mr. Gay World titlist  na si Wilbert Tolentino. Umaarte na rin siya sa collab niya sa Team JoSa  (Jomar Lovena at Sachzna Laparan) sa vlog.

“HAHAHA. Hiraaap  naman ng ganap ko dito,” post ni Sir Wilbert  sa  Facebook  account.

Bukod dito, mayroon din silang collab ni Raffy Tulfo na inireklamo niya ang sikat na vlogger na si Zeinab Harake. Ang reklamo niya ay ini-scam siya umano sa ginawa nilang colab  para sa itlog challenge. Diumano ay nangungutang din ang staff ni Zeinab  ng P50,000.

Pero sa bandang huli ay si Wilbert ang na-prank nila sa halip na si Zeinab.

“Una sa lahat isang karangalan ang ma-prank ako ng dalawang  hinahangaan ko sa YouTube na si Zeinab Harake at siyempre kay Idol Raffy Tulfo na aking tinitingala  pagdating sa  public service. Maraming salamat  idol  Raffy at  pinaunlakan  ninyo  ang aking  imbitasyon na para sana kay Mamshie Zeinab.

“At  kay Zeinab, isa ka talagang  prankster! Masaya ako at finally nakatambal ko kayo. Balang  araw, makakabawi ako sa inyong  kabutihan,” say pa ni Sir Wilbert  sa kanyang Facebook account.

Samantala, namahagi rin si Sir Wilbert sa kanyang  mga kafreshness na subscribers  sa YouTube last December 24 for Noche Bola Raffle Bonanza.

Si Sir Wilbert ay kilalang co-owner  ng tatlong  entertainment bar (Apollo, Club 690, Farenheit ) May malaki rin siyang pasabog na event  kapag  bumalik na sa normal  ang lahat at may vaccine na.

Mag-o-organize siya  ng The Philippines  Influencer Awards 2021.