MRT, LRT may 4 araw na libreng sakay — PBBM

IPATUTUPAD ang libreng sakay sa MRT-3, LRT-1, at LRT-2 mula Abril 30 hanggang Mayo 3.

Ito ang inanunsyo ni Pangulong Ferdinand Marcos Jr. bilang bahagi ng pagdiriwang ng Labor Day.

Ayon kay PBBM, ito ay isang munting parangal at pagkilala sa sakripisyo at mahalagang ambag ng mga manggagawa sa pag-unlad ng ekonomiya at ng lipunan.

Samantala, nagpaabot din ng maagang pagbati si Pangulong Marcos sa mga manggagawa para sa naturang okasyon. (Gilbert Perdez/Vanz Fernandez)