Slaughter, humingi ng tawad sa Ginebra management

BARANGAY Ginebra pa rin ang pipiliin ni Greg Slaughter sa kaniyang pagbabalik sa paglalaro sa 2021.

Ito mismo ang naging pahayag niya matapos ang pamamahinga ng ilang buwan mula pa noong Pebrero.

Sa kaniyang social media, nagpost ito ng kaniyang dahilan sa pagtigil sa paglalaro.

Sinabi nito na nag-break lamang ito ng ilang buwan sa paglalaro para mas lalo pa niyang mahasa ang paglalaro at ang kaniyang buong pagkatao.

Hindi aniya mawawala sa kaniyang ang basketball dahil ito ang kaniyang buhay sa loob ng 30 taon at lalo ngayong may asawa na.