Kazel mas at home na kontrabida kaysa bida sa serye

Ni ROMMEL GONZALES

MAY bagong serye sa GMA ang Sparkle actress na si Kazel Kinouchi matapos ang super-successful na “Abot Kamay Na Pangarap”.

“I have an upcoming show. Magte-taping kami first week of April,” lahad niya.

Puwede na ba niyang i-reveal kung ano ito?

“I think puwede na, ipo-promote ko na, My Father’s Wife, with sila Gabby Concepcion, Kylie Padilla.”

Mabait siya dito?

“Siyempre hindi,” at tumawa si Kazel.

Hindi ba niya nire-request sa GMA na pabaitin naman siya sa next project niya?

“I think gusto nila yung nagtataray ako, ganun. Ha! Ha! Ha!

“But I also like to be…I mean, okay yung maging mabait.

“Pero siguro kasi mas kumportable ako since Abot Kamay ganun yung role ko, pero this time, hindi na kasi ako doctor, iba na yung role, so still… bida-kontrabida, ganun pa rin.”

Mahusay na gumanap na kontrabida si Kazel sa “Abot Kamay Na Pangarap” bilang si Dra. Zoey Tanyag.

Samantala, maganda at mahusay magsalita, wala bang planong sumali ng beauty pageant si Kazel?

“Never ko naisip.

“We’ll just leave it to the rest, ako, dito na lang ako.”

Ayaw niya?

“No. Never ko talagang nagustuhan mag-pageant.”

Kahit nung nag-aaral siya, hindi siya sumasali sa school pageants?

“Hindi,” pakli ni Kazel.

“Parang hindi ko kayang magseryoso or rumampa, ganun, I can’t…I don’t see myself walking.”

Si Kazel ay dating Kapamilya.

“Yes po, Star Magic.”

Isa na siya ngayong GMA/Sparkle female star.

Kaya hiningan namin siya ng reaksyon sa patuloy na collaboration ng GMA at ABS.

“Alam mo nga, sobra po talagang galing kasi di ba, parang hindi mo inisip yun, e. Now, there’s PBB, di ba?”

Ang tinutukoy ni Kazel ay ang umeere ngayong Pinoy Big Brother: Celebrity Collab Edition kung saan ang mga hosts ay pinagsamang Kapamilya at Kapuso stars na sina Bianca Gonzalez, Robi Domingo, Melai Cantiveros at Enchong Dee at sina Gabbi Garcia at Mavy Legaspi.

“I’m so happy kasi dapat matagal na nilang ginawa yun, kasi when you’re… sa ibang bansa naman, di ba wala namang masyadong ganun.

“Dito lang talaga yung may mga network war and I’m so happy na tinanggap din naman siya ng audience and at least, yun, mas open yung work, di ba?

“Mas madaming opportunities for us also.”

Given a chance or a choice, papasok bang muli si Kazel ng Bahay ni Kuya?

“Why not,” bulalas niya.

“ Siyempre yes lang ng yes. Medyo matagal na din kasi yung last ko na Big Brother e, doon ako galing po.”

Kung kinuha siya sa Pinoy Big Brother: Celebrity Collab Edition okay lang sa kanya?

“Yes. Oh my gosh, okay naman.”

“Yes. It would be fun. It would be an experience.”

Kasama si Kazel sa pelikulang “Fatherland” .

Ipapalabas sa mga sinehan sa April 19, 2025, nasa movie rin sina Allen Dizon, Iñigo Pascual, Richard Yap, Cherry Pie Picache, Mercedes Cabral, Ara Davao, Jeric Gonzales, Rico Barrera, Abed Green, Angel Aquino, at Jim Pebanco.