Mayor Honey, VM Yul at Asenso party lang ang dumalo sa unity walk at peace signing covenant ng Comelec

On Mar 27, 2025

SINA Manila Mayor Honey Lacuna at Vice Mayor Yul Servo habang nagpa-flash ng kanilang party sign matapos lumagda sa Comelec-sponsored peace covenant na ginanap sa Kartilya ng Katipunan, kung saan tanging ang kanilang partido lamang ang dumating para itaguyod ang malaya, maayos, payapa at patas na halalan. (JERRY S. TAN)

Advertisers

(mula sa kaliwa) SINA Manila third district Congressman Joel Chua, Mayor Honey Lacuna, Vice Mayor Yul Servo, ang comebacking first district Congressman Manny Lopez at ang buong Asenso Manileno candidates sa pangunguna ng unity walk na itinataguyod ng Comelec at mga deputized agencies. Nasa likod ni Lopez (kaliwa) si Rey Ignacio, hepe ng kanilang security. (JERRY S. TAN)

TANGING sina Manila Mayor Honey Lacuna , Vice Mayor Yul Servo at ang buong partido ng Asenso Manileño ang dumalo sa unity walk at peace covenant signing na sponsored ng Commission on Elections (Comelec) at deputized agencies. Dedma naman ang kalabang partido.

Ginawa ang nasabing paglagda sa kasunduan sa Kartilya ng Katipunan, at kapuna-puna na tanging ang mga tumatakbo lamang sa mga lokal na posisyon sa Maynila sa ilalim ng nag-iisa at dominanteng partido sa lungsod na gamit ang bagong brand ng pamamahala na “Tapat at Totoo” ang dumalo sa nasabing pagtitipon na layuning itaguyod ang payapa, malaya at maayos na halalan sa Mayo.

“Dumalo po tayo rito para ipakita ang ating suporta sa isang maayos, patas, at payapang halalan sa Maynila.Naniniwala po tayo na mas mainam kung mas marami pang lumalahok sa ganitong inisyatibo, lalo na’t isa itong pagkakataon para ipakita natin, bilang mga lingkod-bayan, ang ating paninindigan para sa kapakanan ng mga Manileño,” sabi ni Lacuna.

“Sana, sa mga susunod na ganitong pagsasama-sama, may iba pa pong dumalo bukod sa Asenso,” dagdag pa nito.

Matapos ang unity walk at paglagda nina Lacuna, Servo at ng kanilang mga ka-tiket sa kasunduan ay sabay sabay nilang pinakawalan ang mga puting kalapati na sumisimbulo ng kanilang katapatan sa kapayapaan sa eleksyon.

Kasama ng alkalde at bise alkalde ang kanilang mga kandidato sa anim na distrito ng Maynila, kung saan lima Dito ang incumbent Congressmen na sina Congressman Rolan Valeriano (2nd district), Congressman Joel Chua (3rd district), Congressman Edward Maceda (4th district), Congressman Irwin Tieng (5th district) and Congressman Benny Abante, Jr. (6th district). Ang comebacking first district Congressman na si Manny Lopez, anak ng dating Mayor Mel Lopez, Jr. ang kumumpleto sa Congressional slate ng nasabing partido, habang si Dr. Giselle Maceda naman ang hahalili sa piwesto ni Rep. Edward na patapos na ang ikatlong termino.

Majority members ng Manila City Council ay kasama ring dumalo na pawang kabilang din sa Lacuna-Servo slate.

Ang nasabing pagtitipon ay dinaluhan din ng mga kinatawan ng Comelec, Philippine National Police, Armed Forces of the Philippines (AFP), Bureau of Fire Protection (BFP), Bureau of Jail Management and Penology (BJMP) at ng Philippine Coast Guard (PCG). (ANDI GARCIA)