45-day benefit limit binawi na ng PhilHealth

TINANGGAL na ng Philippine Health Insurance Corp. (Philhealth) ang 45-day benefit limit sa mga miyembro.

Inamin ni PhilHealth President Edwin Mercado na hindi na naaayon sa panahon ang naturang limitasyon dahil aniya walang nakakaalam kung kailangan mangangailangan ng atensyong pangkalusugan ang mga miyembro.

“Marami ring mga serbisyo ang kinakailangan ng higit sa 45 days na coverage,” ani Mercado.

Kabilang na dito ang hemodialysis benefit package na pinalawig sa 156 na sessions mula sa 90.