Showbiz nakisawsaw na sa isyu ni Duterte; Binoe idiniing sasamahan si Bato ‘pag inaresto

Ni Jimi Escala

PATI ang mga taga showbiz ay hati sa ginawang pag aresto sa dating pangulong Rodrigo Duterte.

May mga against pero marami rin naman ang pabor.

Siyempre, ganun na lang ang pagkagulat ng mga masugid na tagasuporta ni Duterte at nabahala sa pagkakaaresto sa dating pangulo.

Pero marami pa ring naging positibo ang reaksiyon dahil sa wakas daw ay mapagbabayaran na ni FPRRD ang mga kasalanan nito noong siya pa ang nakaupo sa Malacañang.

Kasama na rito ang hindi makakalimutang ginawang pagpapasara ni Duterte sa numero unong TV station noon na ABS CBN 2.

Kabilang sa talagang vocal na nagpahayag ng kanyang saloobin sa pagkaaresto sa ama ni VP Sarah ay ang aktor na si Jake Ejercito.

Sa Facebook account ni Jake last Tuesday ay ibinahagi ng aktor ang huling salitang binitawan ni Kian Delos Santos bago ito patayin sa gitna ng anti-drug campaign sa Caloocan City last 2017.

Walang hindi nakakaalam na isa si Kian sa mga menor-de-edad na walang-awang pinaslang ng mga awtoridad kaugnay ng malawakang kampanya ng administrasyong Duterte kontra-droga.

17 years old si Kian nang walang awang pagbabarilin ng pulisya matapos mapagkamalang pusher ng ipinagbabawal na gamot, huh!

Mababasa sa quote card ni Jake na may picture pa ni Kian ang mga katagang
“Tama na po! Tama na po! May test pa ako bukas…”

May caption pa si Jake sa kanyang post:
“Ang mali ay magbayad, at ngayon na ang singilan”, huh!

Kilala naman nating si Jake ay
anak ni dating Pangulong Joseph Estrada sa dating aktres na si Laarni Enriquez, huh!

May mga naantig din tiyak sa post ng beteranong GMA newscaster na kapwa namin taga Tondo na si Arnold Clavio, huh!

Sa caption, sinabi ni Arnold na hindi katanggap-tanggap na gawing dahilan ang edad ni Duterte, 79, para kaawaan, huh!

Paano naman daw ang mga menor-de-edad na napaslang noon sa administrasyon ng dating Pangulo na hindi naman nagawang kaawaan ng mga awtoridad, huh!

“EHEM: Sabi nila , “HINDI NA SILA NAAWA KAY DUTERTE MATANDA NA! “

“Teka, noong WALANG AWA nilang pinatay sina si Kian , 17 yrs. old , Joshua , 17, Jemboy , 17, NAAWA ba sila sa mga menor de edad ?” bahagi pa ng post ng premyadong newscaster, huh!

“Sa araw na ito simula ninyo nang makakamit ang katarungan,” dagdag pa niya.

Nais pa rin namang mapanagot ni John Lapus si Duterte sa madugo nitong kampanya kontra-droga

Bukod kina Jake Ejercito, John Lapus at Arnold Clavio ay marami pa rin ang nagpahayag ng kanilang suporta sa libu-libong pamilyang humihingi ng katarungan sa pagkamatay ng mga mahal sa buhay noong panahon ng administrasyong Duterte, huh!

***

PINAG- uusapan noon sa mga mga netizens ang naging pahayag ni Sen. Robin Padilla na kapag inaresto ang kapwa niya senador na si Ronald “Bato” dela Rosa sakaling isyuhan din ito ng arrest warrant ng International Criminal Court.

Isa ang action star na si Robin sa mga senador na kilalang kakampi ng dating Pangulong Rodrigo Duterte na nasa Netherlands na ngayon para para sa kasong isinampa sa kanya ng ICC.

Bilang kilalang numero unong taga pagtanggol ng dating pangulo ay inaabangan ng mga netizens kung anong gagawing hakbang ng asawa ni Mariel Rodriguez, huh!

“Kung huhulihin nila si Bato, isama niyo na ako dahil ako, isa ako sa sumuporta kay Pangulong Rodrigo Roa Duterte diyan sa drug war.

“Walang iwanan nga, e. Sasamahan ko sila kung saan sila, tutal sanay naman tayo sa kulungan. Sa abroad pa, naku, masarap pagkain doon. Okay ‘yon,” viral statement ng aktor at public servant!