MAHJONG, BILYAR SA LIAN, BATANGAS MILYONES ANG PUSTAHAN!

NASA tabi lamang ng Pamilihang Bayan ng Lian, Batangas ang pinaka malaking puesto pijo ng mala casino na gambling at drug den sa lalawigan ni Batangas Governor Hermilando Mandanas at nakadidismayang sa loob ng halos tatlong taon nang operasyon nito ay hindi man lamang natinag o nakanti ng pulisyang lokal, ng Batangas PNP Provincial, Region 4A Police Office at maging ng mga operatiba ng Region 4A Criminal Investigation and Detection Group Field Unit.

Ang permanente o pwesto pijo na pasugalan ay inooperate ng nagpapakilalang ex-New People’s Army Commander na gambling lord ay nag-umpisa ang operasyon matapos maluklok na alkalde ng Lian si Mayor Joseph Piji. Kinalolokohan itong dayuhin ng mga sugarol, hindi lamang ng mga residente ng naturang bayan kundi ng mga magsusugal mula sa iba’t ibang siyudad at bayan ng naturang lalawigan at maging ng mga taga karatig na mga lalawigan sa CALABARZON, hanggang Metro Manila.

Ngunit suspetsa ng maraming taga Lian ay pinapopostura lamang ng ilang political ally ni Mayor Piji ang Ex-NPA commander na nagpapakilala ding political coordinator ni Major Piji upang maandap at hindi magreklamo ang mga mamamayang mahigpit ang pagtutol sa pagkakaroon ng pasugalang ginagamit pang bentahan ng shabu ng maraming drug pusher na nanggagaling pa sa Pasay City at sa lalawigan ng Cavite.

Hindi lamang mga ilegal na pasugal na sakla, color games at iba pang table at card games ang pinagkukumpulan ng mga sugarol kundi kundi pati na ang malakasang mahjong at bilyaran na nagkakatalo ng milyones.

Balitang-balita ang pambihirang pustahan sa mala konsyertong mahjong at bilyar na malimit ay lumalagpas ang pustahan sa Php 5 milyon. Maging ang mga sikat at bagong sumisibol na billiard player ay dumadayo sa pasugalang ito na malapit lamang sa tanggapan nina Lian Police Chief Major Jeffrey Dallo at Mayor Piji.

“Sky is the limit” ang pustahan sa bilyaran at mahjong na nag-uumpisa ang konsyerto simula sa dakong umaga hanggang kinaumagahan at malimit pa ay umaabot sa 24/7 ang pasugal. Malakasan din ang tayaan sa color games, sakla at cara y cruz (tao-Ibon).

“Ito po ang pasugalang hindi naririnig o naniniwala sa “No Take Policy” order nina PNP Chief Rommel Francisco Marbil at Criminal Investigation Director MGen. Nicolas Torre III, ang hinagpis ng ilang residente ng naturang bayan.

Isang nagpapakilalang CIDG official na si alyas “Col. Cake” at isang dismissed Police Sgt. Adlawan na kilalang Duterte Die Hard Supporter (DDS) ang itinuturong protektor ng naturang puesto pijo gambling haven.

Pakilala nina alyas “Col Cake” at alyas Sgt. Adlawan ay silang dalawa ang bagong sugo ng tanggapan ni MGen. Torre III at pumalit sa isang alyas Mike aka Allen upang pangasiwaan ang pagpapatakbo ng mga malalaking vice den tulad ng mala casino na puesto pijo gambling/drug den sa bayan ng Lian. May karugtong…

***

Para sa komento: Cp.No. 0966 406 6144