Kumusta na si Dale Villar?

Ni OGGIE MEDINA

KUMUSTA na ngayon si Dale Villar, o Dale Villar Acelar sa totoong buhay. Nakilala natin siya sa mga pelikulang Manchichiritchit (kasama sina Maricel Soriano at Andrew E), Kadenang Bulaklak, Bangers, Ikaw ang Miss Universe ng Buhay Ko, at Ober da Bakod (with Donna Cruz).

Ang model, aktor at TV host ay isa na ngayong sales manager sa Mercedes Benz ng Wilsonville sa Oregon, USA.

Sa kasalukuyan ay binabalanse niya ang panahon sa pamilya, pag-ibig at career.

Kasal siya kay Megan Powers-Acelar ng mahigit 7 taon at may lima silang anak, sina Eli, Viv, Dache, Noah at Devon.

Wika niya sa akin, “We were dating for 2 years and of course engaged for 1 year. God brought us together — it wasn’t a dating app. While we are happy, others are finding their loves. I was blessed to meet her at a party, and I courted her and then after time, we got together. Truly, something I treasure because our love is organic, really magical.”