PBBM NAGLUKLOK NG 2 COMELEC COMMISSIONERS

NAGLUKLOK si Pangulong Ferdinand Marcos Jr. ng isa pang opisyal ng Commission on Elections (Comelec).

Ito’y matapos hirangin ni PBBM si Atty. Noli Pipo bilang bagong commissioner ng komisyon.

Bago naitalaga sa posisyon, si Pipo ay naging regional director ng Comelec Region 8 at pinakahuli sa Region 1.

Pinalitan ni Pipo si Commissioner Marlon Casquejo na sumapit na sa kanyang mandatory retirement age ngayong Pebrero.

Maliban kay Pipo, itinalaga rin ni Pangulong Marcos si Atty. Maria Norina Tangaro-Casingal kapalit ni Commissioner Socorro Inting na nagretiro noong Pebrero 2 ngayong taon. (Gilbert Perdez)