Bilang ng kongresista na pumirma sa pagpapatalsik kay VP Sara lumobo sa 239…PBBM TODO TANGGI SA PAG-IMPEACH NG HOUSE KAY VP SARA

DUMISTANSYA si Pangulo Ferdinand “Bongbong” Marcos, Jr. nitong Huwebes sa nagpapatuloy na impeachment proceedings laban kay Vice President Sara Duterte, binibigyang diin na ang executive branch ay walang kinalaman sa usapin.

“Hindi pwedeng makialam ang executive sa impeachment. Walang role ang executive sa impeachmentsinabi ni Pangulong Marcos sa pressbriefing sa malakanyang .

Nanindigan din si Marcos na pareho ang House of Representatives at ang Senado ay walang choice kundi tugunan ang mga impeachment complaints.

“Kapag na-file na ang impeachment complaints, ang Kamara at ang Senado, wala na silang choice. Nakatali na ang kamay nila. Kailangan nilang gawin ito at kailangan nilang gawin bilang pagkilala muli sa mga reklamong inihain. So, iyon ang nangyari ngayon,” paliwanag ng Pangulo.

Kaugnay ng mga pangyayari, binanggit ni Marcos na bukas siya sa pagpapatawag ng isang espesyal na sesyon ng Kongreso sakaling hilingin ito ng Senado.

Nitong Miyerkules, bumoto ang House of Representatives na i-impeach si Duterte na may 215 na mambabatas na pumirma para iendorso ang reklamo sa itaas na kamara. Lumobo pa sa 239 nitong Huwebes ang numero ng mga pumirma sa impeachment.

Ang Senado, gayunpaman, ay nagpahinga nang hindi tinatalakay ang impeachment bid.

Nagkomento rin si Marcos sa kanyang anak na si Rep. Sandro, na nagsisilbi rin bilang kinatawan ng Ilocos Norte, na sinabing pinayuhan lamang niya ang kanyang anak na suportahan ang proseso ng mababang kamara at gampanan ang kanyang mga tungkulin bilang mambabatas.

“Sabi ko sa kanya, I told him the process has already begins. Tungkulin mo ngayon na suportahan ang proseso. So, do your duty.’ Yun ang sinabi ko sa kanya. Inutusan ka ng konstitusyon na suportahan ang prosesong iyon. Isa kang congressman kaya gawin mo ang iyong tungkulin. Hindi ko alam na siya ang unang pumirma,” sabi ng Pangulo.

Samantala, nagpahayag ng kumpiyansa ang Punong Tagapagpaganap na ang kasalukuyang mga pag-unlad sa pulitika ay hindi makakaapekto sa economic momentum ng bansa.

Kasama sa pitong Articles of Impeachment laban sa Bise Presidente ang sabwatan para patayin ang First Couple at House Speaker; malversation ng mga kumpidensyal na pondo; panunuhol at katiwalian sa panahon ng panunungkulan ni Duterte bilang pinuno ng Edukasyon; hindi maipaliwanag na kayamanan at kabiguan na ibunyag ang mga ari-arian; at pagka-kasangkot sa extrajudicial killings sa Davao City; destabilisasyon, insureksyon, at pagsusumikap sa kaguluhan sa publiko. (Vanz Fernandez)