PBBM in-extend ang termino ni PNP Chief Marbil ng 4 na buwan

PINALAWIG ni Pangulong Ferdinand Marcos Jr. ng apat na buwan ang termino ni PNP Chief PGen. Rommel Francisco Marbil.

Batay sa memorandum na inilabas ng Malakanyang na may petsang February 4, 2025 na nilagdaan ni Executive Secretary Lucas Bersamin, nakapaloob dito ang extension sa serbisyo ni Marbil sa kabila ng kaniyang compulsory retirement age na 56 ngayong Pebrero 7, 2025.

Ang nasabing memorandum ay naka-address kay Department of the Interior and Local Government (DILG) Secretary Juanito Victor Remulla.

Si Marbil ang ika-30th PNP Chief at miyembro ng Philippine Military Aca-demy’s Sambisig Class of 1991.

Siya ay nag-assume sa pwesto noong April 1, 2024.

Bago siya itinalaga bilang PNP Chief siya ang dating hepe ng PNP Directorate for Comptrollership at nagsilbing regional director of Police Regional Office 8 (PRO-8) at director of the Highway Patrol Group (HPG).

Mananatili si Marbil sa pwesto hanggang sa buwan ng Hunyo. (Mark Obleada)