‘Mongth-long festivities’ at libreng serbisyo para sa 63rd Cityhood anniv ng Caloocan

Mahigit isang dosenang aktibidad at programa ang naghihintay sa mga residente ng Lungsod ng Caloocan sa buong buwan ng Pebrero dahil inilunsad na ng pamahalaang lungsod ang pagdiriwang para sa makasaysayang ika-63 Anibersaryo ng lungsod.

Opisyal na nagsimula ang kasiyahan sa libreng Cityhood Anniversary Kick-off concert na susundan ng iba’t ibang social development programs para sa mga partikular na pangangailangan ng mga residente ng lungsod, kabilang ang community-based medical mission at libreng serbisyong pangkalusugan mula sa parehong Caloocan City Medical Center ( CCMC) at Caloocan City North Medical Center (CCNMC),

isang Kasalang Bayan, at maging isang ballroom-dancing event na inilaan para sa mga senior citizen.
Inayos din ang mga programang pang-ekonomiya, kabuhayan, at pagpapalakas ng turismo, kabilang ang isang buwang Grand Bazaar para sa mga lokal na negosyo, dalawang Mega Job Fair, at ang pinakaaabangang Miss Caloocan 2025.

Kasama rin sa line-up ng mga aktibidad ang taunang Outstanding Citizens Awards (OCA) Night upang papurihan ang mga residente, personalidad, at empleyado na malaki ang naiambag sa pag-unlad ng iba’t ibang aspeto ng lungsod.

Umaasa si City Mayor Dale Gonzalo “Along” Malapitan na nasiyahan ang lahat sa kick-off concert at nanawagan din sa kanyang mga constituent na makilahok sa mga darating na event na inihanda ng pamahalaang lungsod para sa buong buwan ng Pebrero.

“Abangan pa po ninyo ang iba pang mga surpresa na inihanda ng pamahalaang lungsod para sa inyo. Dagdag po sa sayang hatid ng ating selebrasyon, tinutukan din po natin ngayong taon ang mas malawakang pagbibigay ng serbisyo sa ating mga kababayan na libre, kaya naman sana lahat kayo ay makinabang sa iba pang aktibidad na nakahanda para sa inyo,” wika ni Mayor Along.

Binigyang-diin ng Alkalde ng Lungsod na ang paggunita sa Anibersaryo ng Lungsod ay magbibigay ng priyoridad sa mga nangungunang at mahusay na serbisyo, at ipinahayag ang pangako ng kanyang administrasyon sa pagtiyak na matatamasa ng mga residente ng Caloocan ang buong benepisyo ng nasabing mga serbisyo at aktibidad.

“Libo-libong mga taga-Caloocan muli ang makakatanggap ng libreng serbisyong medikal mula sa mga ospital ng lungsod, kasabay pa ng mga nakatakdang community-based na serbisyong pangkalusugan.

Matutulungan din natin ang mga lokal na negosyo sa pamamagitan ng Grand Bazaar. Magkakaroon din po tayo ng dalawang Mega Job Fair para sa North at South. Kasabay pa nito ang mga Grand Motorcade sa North at South, Family Day, ang inaabangang Miss Caloocan 2025, at iba pang kasiyahan,” pahayag ni Mayor Along.

Inulit din ng local chief executive ang kanyang pasasalamat sa lahat ng Batang Kankaloo sa kanilang walang patid na suporta sa pamahalaang lungsod at sa kanyang administrasyon.