CAAP NAGTALA NG ZERO FATALITIES NOONG 2024 SA ‘AVIATION SAFETY’

NAKAMIT ng Civil Aviation Authority of the Philippines (CAAP) ang isang groundbreaking na tagumpay sa kaligtasan ng aviation, na nag-uulat ng 48% na pagbawas sa mga aksidente at malubhang insidente noong 2024 kumpara noong 2023.

Ang taong 2024 ay nagtala ng zero fatalities, na binibigyang-diin ang hindi natitinag na pangako ng CAAP sa kaligtasan at seguridad ng air transportation system ng bansa.

Bumaba ang kabuuang bilang ng mga aksidente mula 13 noong 2023 hanggang 4 na lang noong 2024.

Ang mga seryosong insidente ay nabawasan din mula 6 noong 2023 hanggang 4. Ang lahat ng naiulat na insidente noong nakaraang taon ay limitado sa general aviation and trainings, habang ang commercial aviation ay nagpapanatili ng safety record na may zero accidents o nasawi.

Iniuugnay ng CAAP ang tagumpay na ito sa mahigpit nitong pagpapatupad ng mga programang pangkaligtasan, mas mahigpit na pangangasiwa sa aviation operations, at pakikipagtulungan nito sa mga stakeholder sa aviation industry. Patuloy na binibigyang-priyoridad ng ahensya ang pinahusay na pagsasanay sa piloto, pagpapatibay ng mga makabagong teknolohiya sa kaligtasan, at pagsulong ng mga proactive na pamantayan sa kaligtasan.

Ayon sa ulat ng CAAP, naging istrikto ito sa pagprovide ng oversights sa mga air operators, certificate holders, yung airlines, ATO or approved training organizations , at maging sa AMO o approved maintenance organizations.

Ang CAAP ay nananatiling nakatuon sa kanilang pananaw na mapanatili ang isang ligtas at maaasahang aviation sector. Ang ahensya ay patuloy na magtataguyod ng mga hakbang sa pag-iwas, mga pagbabago sa kaligtasan, at mga aktibong hakbangin upang matiyak ang patuloy na pag-unlad at kumpiyansa ng publiko sa aviation industry ng Pilipinas. (JOJO SADIWA)