SIPAIN NA SI INDAY SIBA

Hinog para pitasin sa pwesto ang abalang pangulo ng hindi tularan ng iba. Sa ganda ng takbo ng pag-uusisa ng QuadCom narito ang nakakadismayang mabagal na galaw ni Mang Roman. Malamya ang kilos ng tagapagsalita ng malawak na kapulungan na inuuna ang pagsisiguro na walang makakalaban sa distritong tinatakbuhan. Sa pagtitiyak na walang makakalaban sa distritong tatakbuhan nakalimutang galawan ang pagpapasipa sa magkatunggali sa ’28. Sa malamyang kilos ni Mang Roman nagawang pagalawin ang bantog na sekta na batid ang lapit sa mga mangmang ng katimugan. Silip ang laki ng dumalo sa pambansang pagtitipon na sangkalan na magpapakaba ‘di lang sa tagapagsalita ng malawak na kapulungan maging sa mismong liderato ng bansa. Subalit walang lugar upang mangamba si Jun Singhot dahil nakapagtanim na sa nakaraan at kilala bilang malapit sa sektang ginamit ni Inday Siba para sa sariling layon.

Dahil sa paghahanda sa distritong tangan, sala ang kilos ni Mang Roman (MR) na nagbigay kay Inday Siba na gumalaw ng mabilis upang maalangan ang kilos ng malawak na kapulungan sa inihain na mga pagpapasipa. Ang pagliko sa usapin ng mga mangmang ang nagbigay oras sa abalang pangulo na kumilos ng mailayo ang usapin sa sarili. Ang ganda nakakuha ng dahilan ang abalang pangulo sa pagpapatingkad sa kauring Masiba Rin sa salaping bayan sa katauhan ni Mang Roman na naglaan ng P26B AKAP para sa sarili. Bilang reyna ng kasibaan ‘di makakalusot sa mata at pang-unawa ang programang banggit, ang makatulong sa mahihirap. Sa totoo lang gasgas ang dahilan ni Mang Roman na Masiba Rin, hayun nasilip ng mando ng kaTimugan at nadamay maging si Jun Singhot na nananahimik.

Sa totoo lang, ang pakabahin si Jun Singhot ang layon ng mapayapang pagtitipon ng lumambot ang tayo sa pagpapasipang nakaabang sa malawak na kapulungan. Malaki ang bilang ang dumalo sa ginawang pagkilos ngunit hindi makitaan ng lakas na ikinabahala ng pamahalaan ni Jun Singhot sa kadahilanang pansarili ang layon at ‘di pambayan. Ang ‘di pagbibigay bigat na paghahanda ang larawan ng pagiging kampante ng pamahalaan na “everything is under control”. Subalit malinaw ang indikasyon na bale wala si Jun Singhot kay Inday Siba na dapat ikabahala dahil lantarang ipinakita ang pagkadismaya sa kawalan ng malasakit ng dating katambal sa pulitika..

Sa kabilang pagkakataon inilantad ni Inday Siba ang pagiging ambisyosa sa pagpapakilos sa sektang kilala bilang kaalyado ng kasalukuyang liderato ng bansa. Gamit ang mga salitang banggit ni Jun Singhot, kinagat ng sekta ang dahilan sa pagpapatawag ng isang pambansang mapayapang pagtitipon. Sa pagtitipon, inusal ang mga sinabi ni Jun Singhot na pagkakaisa ngunit tila may iisahan sa halip na pagkakaisa. Sa kilos na ginawa ng grupo ng mangmang at ni Inday Siba, nararapat ang mabilisang hakbang sa pagpapasipa sa pwestong tangan ng tunay na pumayapa ang bansa. Sa totoo pa rin, ang presensiya ni Inday Siba sa pamahalaan ang destabilisasyon na nakaamba sa pamahalaan kadahilanan ng kasibaan sa salaping bayan. Ang masakit nasilip ang tulad na masiba na sagka sa kinabukasan ng lukbutan.

Sa nakitang dami ng taong lumahok sa mapayapang pagtitipon, inaasahan na gagamiting baraha ng kaTimugan ang sekta upang makuha ang paglamig ng laban at maibasura ang pagpapasipa sa abalang pangulo. Subalit batid ang kamangmangan ng kaTimugan na ‘di mabasa na tunay na mahalaga kay Mang Juan ang mapanagot ang may sala sa paglustay ng salaping bayan. Hindi nawawala sa isip ni Mang Juan ang P125M nilustay sa 11 araw este sa 7 araw at ang P612M na ‘di maipaliwanag kung saan napunta na nagsilang kay Mary Grace Piattos. At sa katunayan, walang paki ang bayan sa panakip na kilos ng kaTimugan. At sa muli, ang media at social media lang ang naapektuhan at ‘di ang suyang si Mang Juan sa kilos ng mangmang ng kaTimugan.

Mabigat ang larong ibig ng kaTimugan at hindi pinag-isipan o sadyang ‘di maisip na nakasalang ang buong pamahalaan sa laban na pinasukan. Sala ang kilos dahil hindi ang pangunahing tao sa bansa ang kinaiinisan ng kaTimugan subalit ‘dito ang tama na tuluyang magpapabilis sa pag-eendorso ng pagpapasipa sa abalang pangulo. Bukol ang tinamo ni Jun Singhot sa ikinilos at huwag umasa na lalambot ng tindig. Sa totoo lang, si Mang Roman ang pinatutungkulan ng mapayapang pagtitipon subalit batid ang tinatamaan. Dahil sa nasaktan si Jun Singhot, umasa na kikilos si Lizarda na ikawawala ni Inday Siba sa pwestong tangan. Umasa na gagalaw ang malawak na kapulungan, at ‘di aabutin ang katapusan ng kasalukuyang buwan at may pagdinig na magaganap sa bugok na kapulungan. Ano masasabi ni Winner?

Bilang patunay sa bangit sa itaas, nakatikim na ng hagupit ang isang kinatawan na puno sa paglalaan ng pondo sa pamahalaan. Tumayo ang anak ti’ Batac na nagmungkahi na mabakante ang posisyon ng Tserman ng Appropriation Committee. Walang dahilang binanggit ngunit sa pagtatasa tanaw ang dahilan, ang P26B AKAP na ‘di dininig ngunit lumusot. Sa dahilang bangit nabuo ang pambansang mapayapang pagtitipon na nilalaro ng kaTimugan. Malinaw at mabilis ang aksyon ng tao sa Balite ng Malacanan at kagyat ang pagpapasipa sa kinatawan na AKO Bicol bilang tserman ng appro.

Ang kilos na banggit ang pag-isipan ng kaTimugan kung gaano kabilis ang resbak sa sino mang may sala kay Apo. Walang malapit o malayo higit malaki ang nakasalang sa kinabukasan. Hindi nagpatumpik tumpik sa kilos na dapat ikabahala ng kaTimugan dahil anumang oras ay babagsak ang tabak hindi maiibigan ng kaTimugan at ganap na pagpapasipa kay Inday Siba. Ang masiguro na hindi mauulit ang naganap kamakailan sa nakaraan sisipain ang dapat sipain ng magtuloy ang kapayapaan sa puno ng Balite ng Malacanan. Walang sisinuhin dahil sa laki ng nakataya, ang ngalan at kayaman na matagal na inilaban, pawawalan pa ba.

Kay Mang Roman kumilos ng tama dahil ‘di nangingimi si Lizarda na alisin ang sinumang balakid sa pag-aayos ng buhay ng lahi. Ang tamang kilos gawin sa malawak na kapulungan ng magtiyak ang paglahok sa ’28. Ang kilos sa ginawa sa bayang kakatawanin ang gawin, ang mapatalsik ang abalang pangulo sa pwestong tangan ng ‘di mangangamba sa kinabukasan. Huwag mag-alinlangan kung ang ibig ay ang upuan na tangan ng pinsang walang kagalingan ngunit may swerteng tangan. Mang Roman kung ibig masungkit ang upuan sa Malacanan, sipain si Inday Siba ngayon pa lang ng maalis sa usapan.

Maraming Salamat po!!!!