P10.2m shabu nakumpiska sa lider ng ‘Dela Cruz Drug Group’

ARESTADO ang lider ng ‘Dela Cruz Drug Group’ sa drug buy bust operation sa Taytay, Rizal.
Ayon sa ulat, nagkasa ng operasyon ang pinagsanib na pwersa ng Taytay Municipal Police Station sa pangunguna ni Maj. Rodel S. Ban-O at Provincial Intelligence Unit ng Rizal Provincial Police Office sa Sitio Lupang Arenda, Barangay Sta. Ana.
Nadakip sa operasyon ang lider ng ‘Dela Cruz Drug Group’ at nakumpiska sa kanya ang aabot sa isa’t kahalating kilo ng shabu na may street value na P10.2 milyon.
May mga nakumpiska ring marijuana at iba’t ibang kalibre ng baril at mga bala.(PFT team)