Robbery suspek timbog sa Tondo

HULI ng mga operatiba ng District Police Intelligence Operation Unit (DPIOU) ng Manila Police District ang lalaki dahil sa robbery sa panulukan ng Mel Lopez Boulevard at Pacheco St., sa Brgy. 83, Tondo, Maynila noong Miyerkules.

Kinilala ni Police Major Kevin Rey Bautista, hepe ng police unit ang suspek na si alyas Ryan. Inaresto ang suspek bandang alas-6:00 ng gabi. Base sa report, naaresto ang suspek sa tulong ng warrant of arrest na inisyu ni Ma. Theresa Dolores Gomez-Estoesta, Presiding Judge ng Regional Trial Court, Branch 7 Manila. (BONG SON)