VP SARA CARETAKER ULIT NG BANSA

PANSAMANTALANG caretaker ng bansa si Vice President at Department of Education (DepEd) Sec. Sara Duterte-Carpio.

Ito ang isiniwalat ni Presidential Communications Office (PCO) Secretary Cheloy Garafil, batay na rin sa direktiba ni Pangulong Ferdinand “Bongbong” Marcos Jr.

Si PBBM ay dadalo sa 1st ASEAN-Gulf Cooperation Council (GCC) Summit sa Riyadh, Saudi Arabia mula Oktubre 19 hanggang 20.

Dahil dito, pansamantalang si Duterte ang mangangasiwa sa pang-araw araw na gawain sa hanay ng ehekutibo habang wala si Pangulong Marcos.

Bukod naman sa ASEAN-GCC Summit at pakikipagkita sa Filipino community, inaasahang hihikayatin din ni PBBM ang mga malalaking negosyante sa Saudi na mamuhunan sa bansa. (Gilbert Perdez)