PBA ‘bubble’ sa Clark kanselado

KINANSELA ng Philippine Basketball Association (PBA) ang liga o tinaguriang “PBA bubble” na kanilang binuksan nitong buwan sa Clark, Pampanga.

Sa isang social media post, sinabi ng PBA na ang desisyon ay alinsunod sa rekomendasyon ng Inter-Agency Task Force Technical Working Group, pati ng grupo ng mga eksperto mula sa Department of Health.

Ito ay para raw masiguro ang kaligtasan ng mga players at iba pang staff na nasa bubble.

“In compliance with the recommendation of the IATF-EID Technical Working Group and the DOH Advisory Group of Experts and to ensure the integrity and safety of the PBA Bubble the league is postponing the games starting TODAY, October 30.”

Ayon sa PBA, magbabalik lang ang liga kapag may bagong protocols nang inilabas ang IATF at DOH.

Nagpasalamat naman ang grupo sa mga opisyal ng pamahalaan at Clark Development Corporation sa patuloy na suporta at gabay sa sporting event.

“The PBA would like to thank the IATF, DOH and Clark Development Corporation (CDC) for their continuous support and guidance.”