Ex-De La Salle coach nakisalo sa first place sa US chess tourney

Nakisalo sa first place si dating De La Salle Lipa, Batangas coach John Renan Lumbera sa katatapos na Temecula Chess Club Open tournament (actual/on the board) na ginanap sa Temecula, California, USA, nitong weekend.

Sa final round ng 7 round Swiss system tournament ay nabigo ang seventh seeded Lumbera kontra kay second seeded Scott Roods na naging dahilan para makopo ang title ng outright.

Dahil sa pangyayaring ito ay nagawa ni top seed Vadim Kudryavtsev na maabutan at makasalo sa unahang puwesto si Lumbera na tubong Quezon Province matapos talunin si 12th seeded Dereck Williams sa last round. Nakamit ni Kudryavtsev ang titulo dahil sa superior tie break points kay Lumbera. Ang dalawang woodpushers ay tumapos ng tig 6 points.

Sa isang banda ay si Roods ay napaganda ang total 5 points, kaparehas ng iskor na naitala nina Marius Lucan at Pedro Valdericeda. (Marlon Bernardino)