Rivero, Winston nangunguna sa listahan ng PBA Draft applicants

MAY kabuoang 128 players ang nag apply para sa PBA Rookie Draft, inanunsyo ng liga Lunes.

Ilan sa nagpasa ng kanilang aplikasyon bago ang September 10 deadline ay ang dating UAAP stars Ricci Rivero, Schonny Winston at Zavier Lucero, kasama ang NCAA standouts Fran Yu at Brent Paraiso.

Nag apply rin sa draft sina; : Keith Datu, Luis Villegas, Ken Tuflin, Stephen Holt, Kim Aurin, Raphael Cu, Henry Galinato, Dominick Fajardo, Kemark Carino, Sherwin Concepcion, at James Kwekuteye.

Ang kabuoan ay bagong rekord ng liga, nalagpasan ang 97 applicants para sa Season 46 draft.

Ang 31 Fil-foreign applicants ay bagong all-time high rin.

Ang listahan ay puwedeng mabawasan dependi sa kalalabasan ng Draft Combine sa Setyembre 12- 13 sa Gatorade Hoops Center.

Ang PBA Rookie Draft ay nakatakda sa Setyembre 17, TerraFirma ang first pick, kasunod ang Blackwater.

Ang listahan ay partial list ng aplikante para sa draft, na ibinigay ng PBA.