Pekeng abogado, 3 pa kulong sa pekeng notaryo

APAT katao na sangkot sa paggawa ng pekeng notaryo ang inaresto ng mga elemento ng Criminal Investigation and Detection Group (CIDG) sa Angeles City.

Kinilala ang mga naaaresto na sina Emeraldo Salenga Rosete, nagpapakilang Atty. Jaime Manaclang, 55 anyos, manager ng Alpha Insurance Service Popoy and Yen; Rachel An Bognot Julian, 22; Fatima Calumba, 22, secretary; at Lourdes Dizon Reyes, 53, empleyado ng LD Insurance Service.

Ayon kay Major General Romeo Caramat Jr., director ng CIDG, isinagawa ang operasyon ng pinagsanib na mga elemento ng CIDG, Regional Field Unit 3, at Task Force Fake Notaries at IBP-Pampanga sa Mc Arthur Highway, Brgy. Sto Domingo, Angeles City.

Maghaharap ang mga suspek sa kasong paglabag sa Article 315 (Estafa through Falsification of Document) at Usurpation of Authority.(Mark Obleada)