Sanya, Rocco, at Valeen magsasama-sama; Lovi tinawag na ‘kabit’ si Winwyn

Ni JOE CEZAR

KUMPIRMADO nang magsasama-sama ang Kapuso stars na sina Sanya Lopez, Rocco Nacino, at Valeen Montenegro sa isang upcoming project ng TBA Studios.

Opisyal itong inanunsyo ng TBA Studios noong October 12. “Let’s welcome TBA Studios’ new characters! ‍It’s time for a Spring Cleaning. COMING SOON,” ayon sa post ng commercial film outfit.

Na-excite naman ang fans sa magiging papel ng tatlong Kapuso stars para sa nasabing proyekto. Tungkol saan naman kaya ito? Abangan!

***

PINAG-usapan ng netizens ang maanghang na confrontation scene sa mga karakter nina Lovi Poe at Winwyn Marquez sa ‘I Can See You: High-Rise Lovers’ nitong Huwebes.

Maraming netizens ang humanga at naka-relate sa elevator scene ng serye na kinumpronta ni Samantha (Lovi) si Ysabel (Winwyn), ang kabit ng kanyang asawang si Luis (Tom Rodriguez).

Sa eksena ay pasimpleng pinuna ni Samantha ang lipstick shade ni Ysabel at sinabing ‘kabit red’ daw kung tawagin nila ito sa cosmetic company kung saan siya nagtatrabaho.

Post ng isang netizen, “That ELEVATOR SCENE!! YALL!! Ramdam ko yung tindi ng emosyon sa salita pa lang. This confrontation scene doesn’t have to be violent or what, SALITA PA LANG PATALIM NA!”

Hanga rin ang viewers sa kakaibang kuwento at nakadadalang performances ng mga bida ng drama anthology, “This is the 3rd episode of I Can See You, every week it offers fresh setting, realistic storyline but all the characters delivered real performances, can’t wait for the 4th week with even high expectations.”

Tunghayan naman ang kuwento ng misteryo at pag-ibig sa huling installment ng ‘I Can See You’ na ‘Truly. Madly. Deadly.’ tampok ang real-life couple na sina Jennylyn Mercado, Dennis Trillo, kasama si Rhian Ramos ngayong Lunes (Oktubre 19) na sa GMA Telebabad.