Pagpasa ng Kamara sa 2021 nat’l budget, ikinagalak ng Palasyo

Pinasalamatan ng Malacañang ang Kamara sa pagpasa sa third and final reading sa 2021 General Appropriations Bill “ont time” o sa loob mismo ng special session na ipinatawag ni Pangulong Rodrigo Duterte.
Sinabi ni Presidential Spokesman Harry Roque, ilang beses ng iginigiit ni Pangulong Duterte ang pagpasa sa proposed 2021 national budget at ayaw niyang magkaroon ng re-enacted budget lalo sa panahon ng COVID-19 pandemic.
Ayon kay Sec. Roque, sa nasabing national budget bill nakapaloob ang kinakailangang pondo para sa government interventions para maibsan ang matinding epekto ng pandemya.
Inihayag ni Sec. Roque na umaasa silang maisusumite sa lalong madaling panahon ng Kamara sa Senado ang printed o soft copy ng naaprubahang budget bill para mabigyan ng sapat na panahon ang Senado na mabusisi ang panukalang batas na sinertipikahang urgent ni Pangulong Duterte.
“We thank the House of Representatives for passing on third and final reading the 2021 General Appropriations Bill on time or within the special session called by President Rodrigo Roa Duterte. The Chief Executive has in many occasions articulated the importance of the timely passage of the budget, given that we are in the middle of the COVID-19 pandemic where we need resources to fund government interventions to mitigate the adverse effects of the virus,” ani Sec. Roque.
“In addition, we hope the House of Representatives would transmit its printed or soft copy to the Senate as soon as possible, so that the Upper Chamber would be given ample time to act on this legislative measure, which has been certified urgent by the President.”