Utang ng Pilipinas lalo pang lumobo

PATULOY ang paglobo ng utang ng Pilipinas batay sa record ng Bureau of Treasury.

Ayon sa Bureau of Treasury, naitala sa P13.86 trilyon ang utang ng bansa hanggang nitong Marso ngayong taon, o pagtaas ng 104.15 bilyong piso o 0.8% mula sa buwan ng Pebrero.

Sa ulat pa ng ahensya, 68.7% o 9.51 trilyong piso ay galing sa utang panloob ng bansa.

Kumpara noong Pebrero, tumaas ito ng 71 bilyong piso o 0.8%.
31.3% naman o 4.35 trilyong piso ay galing sa utang panlabas noong Marso.

Tumaas din ito ng 0.8% o 33.15 bilyong piso kumpara noong Pebrero.

Pahayag ng Bureau of Treasury, dahil sa mga dagdag na foreign loans at pagtaas ng halaga ng dolyar laban sa piso ang ilan pa sa dahilan ng paglobo ng utang ng Pilipinas.